காமராஜர் நகரில் பள்ளி எதிரே குவிந்த குப்பைகள்: எம்எல்ஏ ஏ.கே.டி. ஆறுமுகம் அதிரடி நடவடிக்கையால் அகற்றம்!

புதுச்சேரி: புதுச்சேரி காமராஜர் நகர் பகுதியில் உள்ள பள்ளிக்கு எதிரே நீண்ட நாட்களாக தேங்கிக் கிடந்த குப்பைக் கழிவுகள், தொகுதி சட்டமன்ற உறுப்பினர் பி.வி. ஆறுமுகம் @ ஏ.கே.டி அவர்களின் உடனடி நடவடிக்கையின் பேரில் முழுமையாக அகற்றப்பட்டு அப்பகுதி தூய்மைப்படுத்தப்பட்டது.

காமராஜர் நகர் தொகுதிக்குட்பட்ட பள்ளி ஒன்றின் நுழைவு வாயிலுக்கு எதிரே பெருமளவில் குப்பைகள் மற்றும் கழிவுகள் கொட்டப்பட்டு வந்தன. இதனால் அப்பகுதி முழுவதும் கடும் துர்நாற்றம் வீசியதுடன், கொசுக்கள் உற்பத்தியாகி தொற்றுநோய் பரவும் அபாயம் ஏற்பட்டது. பள்ளிக்கு நாள்தோறும் வந்து செல்லும் மாணவ, மாணவிகள், ஆசிரியர்கள் மற்றும் அப்பகுதி பொதுமக்கள் இதனால் மிகுந்த சிரமத்திற்கு ஆளாகி வந்தனர்.

இப்பிரச்சனை குறித்து அப்பகுதி மக்கள் மற்றும் பள்ளி தரப்பில் தொகுதி சட்டமன்ற உறுப்பினர் பி.வி. ஆறுமுகம் அவர்களின் கவனத்திற்கு கொண்டு செல்லப்பட்டது. புகாரை உடனடியாக பரிசீலித்த அவர், மாணவர்களின் உடல்நலன் மற்றும் பொது சுகாதாரத்தை கருத்தில் கொண்டு சம்பந்தப்பட்ட துப்புரவுப் பணியாளர்களுக்கு உரிய அறிவுறுத்தல்களை வழங்கி, குப்பைகளை உடனே அப்புறப்படுத்த உத்தரவிட்டார்.

அதனைத் தொடர்ந்து பள்ளிக்கு எதிரே குவிந்திருந்த டன் கணக்கிலான குப்பைகள் உடனடியாக அகற்றப்பட்டு, கிருமிநாசினி மற்றும் பிளீச்சிங் பவுடர் தெளிக்கப்பட்டு அப்பகுதி தூய்மைப்படுத்தப்பட்டது. இதுகுறித்து எம்.எல்.ஏ ஏ.கே.டி ஆறுமுகம் தெரிவிக்கையில், “எதிர்கால தலைமுறையினரான பள்ளி மாணவர்களின் பாதுகாப்பும், பொதுமக்களின் சுகாதாரமும் எப்போதும் நமது தலையாய பணியாகும். தொகுதியில் பொதுமக்கள் தெரிவிக்கும் சிறிய பிரச்சனைகளுக்கும் உடனுக்குடன் தீர்வு காணும் பணிகள் தொடர்ந்து போர்க்கால அடிப்படையில் நடைபெறும்” என்று தெரிவித்தார்.

மாணவர்கள் மற்றும் பாதசாரிகளுக்கு பெரும் இடையூறாக இருந்த குப்பைகள் துரிதமாக அகற்றப்பட்டு தூய்மை செய்யப்பட்டதற்கு அப்பகுதி குடியிருப்புவாசிகளும், பள்ளி நிர்வாகமும், பெற்றோர்களும் தொகுதி சட்டமன்ற உறுப்பினருக்கு தங்களது மனமார்ந்த நன்றியையும் பாராட்டுகளையும் தெரிவித்துக் கொண்டனர்.

English summary: Garbage that had piled up opposite a school in Kamaraj Nagar, Puducherry, was cleared and the area disinfected after MLA P.V. Arumugam (AKD) acted on a complaint from residents and the school. The report says the waste caused a foul smell and a risk of disease. Residents, school management and parents thanked the MLA.