புதுச்சேரி கடற்கரையில் ரோட்டரி சங்கத்தின் பசுமை விழிப்புணர்வு மாரத்தான்: துணைநிலை ஆளுநர் கைலாஷ்நாதன் தொடங்கி வைத்தார்!

புதுச்சேரி, செப். 13:

புதுச்சேரி கடற்கரைச் சாலையில் காந்தி சிலை அருகே ரோட்டரி சங்கம் சார்பில் சுற்றுச்சூழல் பாதுகாப்பு மற்றும் மரம் வளர்ப்பை வலியுறுத்தும் வகையில் பிரம்மாண்ட ‘பசுமை விழிப்புணர்வு மாரத்தான்’ ஓட்டம் சிறப்பாக நடைபெற்றது.

இந்த விழிப்புணர்வு மாரத்தான் போட்டியை புதுச்சேரி துணைநிலை ஆளுநர் கே.கைலாஷ்நாதன் கொடியசைத்து முறைப்படி தொடங்கி வைத்தார். இந்நிகழ்வில் ரோட்டரி மாவட்ட ஆளுநர் வைத்தியநாதன் உள்ளிட்ட முக்கியப் பிரமுகர்கள் மற்றும் ரோட்டரி சங்க நிர்வாகிகள் உடனிருந்து சிறப்பித்தனர்.

சுற்றுச்சூழலை தூய்மையாகவும், பசுமையாகவும் வைத்திருக்க வேண்டியதன் அவசியத்தை உணர்த்தும் இப்போட்டியில் பள்ளி, கல்லூரி மாணவ-மாணவிகள், இளைஞர்கள் மற்றும் சிறுவர்கள் முதல் பெரியவர்கள் வரை ஆயிரக்கணக்கானோர் பச்சை நிற டி-சர்ட் அணிந்து மிகுந்த ஆர்வத்துடன் ஓடி பங்கேற்றனர். வெற்றி பெற்றவர்களுக்குப் பரிசுகளும் சான்றிதழ்களும் வழங்கப்பட்டன.

English summary: The Rotary Club organised a ‘Green Awareness Marathon’ near the Gandhi statue on Puducherry’s beach road to promote environmental protection and tree planting. Lieutenant Governor K. Kailashnathan flagged it off, with Rotary District Governor Vaithiyanathan present. Thousands of students, youths and adults ran in green T-shirts, and winners received prizes and certificates.