புதுச்சேரி ரேஷன் கடை ஊழியர்களுக்கு சம்பள உயர்வு: சட்டப்பேரவையில் முதலமைச்சர் ரங்கசாமி அறிவிப்பு!

புதுச்சேரி: புதுச்சேரி யூனியன் பிரதேசத்தில் உள்ள நியாயவிலைக் கடை ஊழியர்களுக்கு ஊதியம் உயர்த்தி வழங்கப்படும் என்று முதலமைச்சர் என். ரங்கசாமி சட்டப்பேரவையில் அறிவித்துள்ளார்.

புதுச்சேரி சட்டப்பேரவை கூட்டத்தொடரில் உரையாற்றிய முதலமைச்சர் ரங்கசாமி, ரேஷன் கடை ஊழியர்களின் நீண்ட நாள் கோரிக்கையை ஏற்று அவர்களுக்கு உரிய சம்பள உயர்வு வழங்கப்படும் என்று தெரிவித்தார். ஊழியர்களின் வாழ்வாதாரத்தை மேம்படுத்தும் வகையில் இந்த நடவடிக்கை எடுக்கப்பட்டுள்ளது.

மேலும், புதுச்சேரியில் உள்ள ரேஷன் கடைகள் மூலம் பொதுமக்களுக்கு விநியோகிக்கப்படும் அத்தியாவசியப் பொருட்களின் எண்ணிக்கையை கூடுதலாக்கி வழங்க அரசு நடவடிக்கை எடுத்து வருவதாகவும் முதலமைச்சர் ரங்கசாமி தெரிவித்தார். அரசின் இந்த அறிவிப்புகள் ரேஷன் கடை ஊழியர்கள் மற்றும் பொதுமக்கள் மத்தியில் பெரும் வரவேற்பைப் பெற்றுள்ளது.

English summary: Chief Minister N. Rangasamy announced in the Assembly that the pay of fair price (ration) shop employees in Puducherry will be raised, accepting their long-standing demand. He also said the government is taking steps to increase the number of essential items supplied through ration shops.