மின்சாரத்துறை மற்றும் சிறைச்சாலை விவகாரத்தில் அரசு மீது எதிர்க்கட்சிகள் கடும் விமர்சனம்

சென்னை, அக்டோபர் 31: தமிழகத்தில் மின்சாரத்துறை பழுது மற்றும் சிறைக்கைதிகள் தப்பியோடிய விவகாரத்தில் ஆளும் அரசுக்கு எதிராக எதிர்க்கட்சித் தலைவர்கள் கடும் விமர்சனங்களை முன்வைத்துள்ளனர்.

கைதிகள் தப்பிச் செல்லும் அளவுக்கு இந்த ஆட்சியின் லட்சணம் இருப்பதாக எதிர்க்கட்சித் தலைவர் உதயநிதி ஸ்டாலின் விமர்சித்துள்ளார். இனி சஸ்பெண்ட் செய்ய வேண்டும் என்றால் முதல்வர் தன்னைத்தானே செய்து கொள்ள வேண்டும் என்றும் அவர் கூறினார்.

சிறையை கூட பாதுகாப்பாக வைக்க முடியவில்லை என்றால் எப்படி இந்த ஆட்சி மக்களை பாதுகாக்கும் என்று கேள்வி எழுப்பிய அதிமுக பொதுச்செயலாளர் எடப்பாடி கே. பழனிசாமி, விஜய் நடித்த போக்கிரி பட வசனத்தை மேற்கோள் காட்டி விமர்சித்தார்.

ஒட்டுமொத்த தமிழ்நாட்டையும் இருளில் மூழ்கடித்திருக்கும் மின்சாரத்துறை பழுது மற்றும் பராமரிப்பு என பச்சை பொய்களை பேசுவதால் என்ன பயன் என்று அமமுக பொதுச்செயலாளர் டிடிவி தினகரன் கேள்வி எழுப்பியுள்ளார்.

மேலும் அமைச்சர் நிர்மல் குமார் ஊழலின் ஒட்டுமொத்த உருவமாக இருப்பதாக முன்னாள் அமைச்சர் சேகர் பாபு குற்றம் சாட்டியுள்ளார்.