அக்கரைவட்டம் புனித ஆரோக்கிய அன்னை ஆலய ஆண்டு பெருவிழா: தேர்பவனியில் பங்கேற்ற எம்.எல்.ஏ. டி.கே.எஸ்.எம். மீனாட்சிசுந்தரம்!

காரைக்கால்:
காரைக்கால் அடுத்த அக்கரைவட்டத்தில் உள்ள பிரசித்தி பெற்ற புனித ஆரோக்கிய அன்னை ஆலயத்தின் ஆண்டு பெருவிழா மற்றும் தேர்பவனி வெகுவிமரிசையாக நடைபெற்றது. இதில் திரளான கிறிஸ்தவ மக்கள் மற்றும் பக்தர்கள் கலந்து கொண்டு அன்னையின் ஆசீர்வாதம் பெற்றனர்.

விழாவின் முக்கிய நிகழ்வான தேர்பவனி மற்றும் சிறப்புத் திருப்பலியில், தொகுதி சட்டமன்ற உறுப்பினர் டி.கே.எஸ்.எம். மீனாட்சிசுந்தரம் சிறப்பு விருந்தினராகப் பங்கேற்று வழிபாடுகளில் கலந்துகொண்டார். அலங்கரிக்கப்பட்ட திருத்தேரில் ஆரோக்கிய அன்னை பவனி வந்த காட்சியை பக்தர்கள் பக்திப் பரவசத்துடன் தரிசித்தனர்.

இத்திருவிழாவில் அப்பகுதியைச் சேர்ந்த பொதுமக்கள், முக்கியப் பிரமுகர்கள் மற்றும் பக்தர்கள் பெருமளவில் கலந்து கொண்டு விழாவைச் சிறப்பித்தனர். விழாவிற்கான விரிவான ஏற்பாடுகளை ஆலய நிர்வாகத்தினர் மற்றும் ஊர் பொதுமக்கள் இணைந்து சிறப்பாகச் செய்திருந்தனர்.

English summary: The annual festival and chariot procession of the Our Lady of Health church at Akkaraivattam near Karaikal was held, with many Christians and devotees taking part. MLA T.K.S.M. Meenakshisundaram attended the chariot procession and special Mass as chief guest. The church administration and villagers made the arrangements.