காரைக்காலில் ஆர்.எஸ்.எஸ். விஜயதசமி அணிவகுப்பு பேரணி: எம்எல்ஏக்கள் டாக்டர் விக்னேஸ்வரன், மீனாட்சிசுந்தரம் பங்கேற்பு!

காரைக்கால்:
காரைக்கால் மாவட்டத்தில் விஜயதசமி விழாவை முன்னிட்டு, ராஷ்ட்ரீய ஸ்வயம்சேவக சங்கம் (RSS) சார்பில் பிரம்மாண்ட அணிவகுப்பு பேரணி மற்றும் பொதுக்கூட்டம் எழுச்சியுடன் நடைபெற்றது. இந்த எழுச்சிமிகு நிகழ்வில் காரைக்கால் பிராந்தியத்தைச் சேர்ந்த சட்டமன்ற உறுப்பினர்கள், முக்கியப் பிரமுகர்கள் மற்றும் சங்க நிர்வாகிகள் பெருந்திரளாகக் கலந்து கொண்டனர்.

காரைக்கால் நகரின் முக்கிய வீதிகள் வழியாக நடைபெற்ற இந்த விஜயதசமி அணிவகுப்பு பேரணியில், சீருடை அணிந்த நூற்றுக்கணக்கான ஆர்.எஸ்.எஸ். தொண்டர்கள் மிடுக்கான நடைபயணத்துடன் வாத்தியக் கருவிகள் முழங்க அணிவகுத்துச் சென்றனர். பொதுமக்களின் சிறப்பான வரவேற்புடன் நகரின் முக்கிய பகுதிகளைக் கடந்த இந்த பேரணி, பின்னர் நடைபெற்ற பொதுக்கூட்டத்துடன் நிறைவடைந்தது.

இந்நிகழ்வில் நெடுங்காடு – கோட்டுச்சேரி தொகுதி சட்டமன்ற உறுப்பினரும், மக்கள் மருத்துவருமான டாக்டர் V. விக்னேஸ்வரன் எம்.எல்.ஏ. சிறப்பு அழைப்பாளராகக் கலந்து கொண்டு சிறப்பித்தார். அவருடன் இணைந்து, நிரவி – திருப்பட்டினம் தொகுதி சட்டமன்ற உறுப்பினர் T.K.S.M. மீனாட்சிசுந்தரம் அவர்களும் இந்நிகழ்வில் பங்கேற்று வாழ்த்துகளைத் தெரிவித்தனர்.

காரைக்கால் பிராந்தியத்தில் தேசிய சிந்தனைகளை முன்னிறுத்தி, ஒற்றுமை மற்றும் ஒழுக்கத்தை வலியுறுத்தும் வகையில் ஆண்டுதோறும் விஜயதசமி நாளில் ஆர்.எஸ்.எஸ். அமைப்பின் சார்பில் அணிவகுப்பு நடத்தப்படுவது வழக்கமாகும். புதுச்சேரி மாநிலத்தின் அனைத்து சட்டமன்றத் தொகுதிகளிலும் தேசிய உணர்வை வளர்க்கும் வகையில் மக்கள் இயக்கப் பணிகள் தீவிரப்படுத்தப்பட்டு வரும் நிலையில், காரைக்காலில் நடைபெற்ற இந்த அணிவகுப்பு பேரணி பொதுமக்களிடையே பெரும் கவனத்தை ஈர்த்துள்ளது.

English summary: The RSS held a large Vijayadashami route march and public meeting in Karaikal district, with hundreds of uniformed volunteers marching through the main streets of Karaikal with musical instruments. MLAs Dr. V. Vigneswaran and T.K.S.M. Meenakshisundaram attended, Dr. Vigneswaran as a special guest. The report says the RSS holds such a march in Karaikal every Vijayadashami.