ஏனாமில் புயல் பாதிப்பு குறித்த அறிக்கைக்கு பிறகு நிவாரணம் வழங்கப்படும் என்று முதலமைச்சர் ரங்கசாமி தெரிவித்துள்ளார்

புதுச்சேரி, அக்டோபர் 28: ஏனாமில் புயல் பாதிப்பு குறித்த அறிக்கை வெளியான பிறகு, பாதிக்கப்பட்ட மக்களுக்கு உரிய நிவாரணம் வழங்கப்படும் என முதலமைச்சர் ரங்கசாமி தெரிவித்தார்.

புதுச்சேரி ஏனாமில் ஏற்பட்டுள்ள புயல் பாதிப்புகள் குறித்த அறிக்கையை வெளியிட்ட பிறகு, அது தொடர்பாக தகுந்த முடிவெடுக்கப்பட்டு உரிய நிவாரணம் வழங்கப்படும் என்று அவர் செய்தியாளர்களிடம் கூறினார். பொதுப்பணித்துறை அமைச்சர் மற்றும் அந்தந்த பகுதிகளைச் சேர்ந்த அதிகாரிகள் அனைவரும் புயல் பாதிப்பு நிலவும் பகுதிகளுக்கு நேரில் சென்று கள ஆய்வுகளை மேற்கொண்டு வருவதாக அவர் தெரிவித்தார்.

பாதிக்கப்பட்ட மக்களை பாதுகாப்பான இடங்களில் தங்க வைப்பது மற்றும் அவர்களுக்குத் தேவையான உணவு வழங்குவது உள்ளிட்ட அனைத்து அடிப்படை வசதிகளையும் அதிகாரிகள் தொடர்ந்து செய்து வருவதாக அவர் கூறினார். மேலும், புயல் பாதிப்புகள் குறித்த கணக்கெடுப்பு விவரங்கள் சமர்ப்பிக்கப்பட்ட பிறகு நிவாரணம் அறிவிக்கப்படும் என்றும் அவர் தெரிவித்தார்.

English summary: Chief Minister Rangasamy said that relief will be given to people affected by the storm in Yanam once the report on the damage is available. He said the Public Works Minister and local officials are visiting the affected areas, and that people are being sheltered in safe places and provided food and basic facilities.