ஏனா, புதுச்சேரியில் அர்ணா புயல் பாதிப்புகள் குறித்து துணைநிலை ஆளுநர் மற்றும் முதலமைச்சர் தனித்தனியாக ஆலோசனை

புதுச்சேரி, அக்டோபர் 31: அர்ணா புயல் காரணமாக ஏனாமில் ஏற்பட்ட பாதிப்புகள் மற்றும் பாதிக்கப்பட்ட மக்களுக்கு நிவாரண உதவிகள் வழங்குவது தொடர்பாக துணைநிலை ஆளுநர் கைலாஷ்நாதன் மற்றும் முதலமைச்சர் ரங்கசாமி தலைமையில் தனித்தனியாக ஆலோசனை கூட்டங்கள் நடைபெற்றன.

துணைநிலை ஆளுநர் கைலாஷ்நாதன் தலைமையில் லோக் நிவாசில் நடைபெற்ற கூட்டத்தில், புதுச்சேரி யூனியன் பிரதேசத்தின் ஏனாம் உள்ளிட்ட பகுதிகளில் அர்ணா புயலால் ஏற்பட்ட சேதங்கள், பொதுமக்களுக்கு ஏற்பட்ட பாதிப்புகள் மற்றும் நிவாரண பணிகள் குறித்து ஆலோசிக்கப்பட்டது. அப்போது மாவட்ட ஆட்சியர் குளோத்துங்கன் மற்றும் அமைச்சர் மல்லாரி கிருஷ்ணராவ் உள்ளிட்டோர் நிலைமையை விளக்கினர்.

இதேபோல புதுச்சேரி சட்டப்பேரவை வளாகத்தில் முதலமைச்சர் ரங்கசாமி தலைமையில் புயல் பாதிப்புகள் மற்றும் நிவாரண பணிகள் தொடர்பான மற்றொரு ஆலோசனை கூட்டம் நடைபெற்றது. கூட்டத்தில் புயலால் ஏற்பட்ட சேதங்கள், விவசாய பயிர்கள், மின்சார கட்டமைப்புகள், குடியிருப்புகள் மற்றும் பொதுமக்களின் வாழ்வாதாரத்திற்கு ஏற்பட்ட பாதிப்புகள் குறித்து மாவட்ட ஆட்சியர் குளோத்துங்கன் மற்றும் பொதுப்பணித்துறை அமைச்சர் மல்லாரி கிருஷ்ணராவ் ஆகியோர் விளக்கமளித்தனர்.

இந்த கூட்டத்தில் காணொளி வாயிலாக அமைச்சர் ஜி.என்.எஸ். ராஜசேகரன் பங்கேற்றார். ஏனாமிலிருந்து பிராந்திய நிர்வாக அதிகாரி சிவராஜ் மீனா மற்றும் அப்பகுதியைச் சேர்ந்த அரசு அதிகாரிகள் பலர் காணொளி வழியாக கூட்டத்தில் பங்கேற்று, புயல் பாதிப்புகள் மற்றும் அங்கு மேற்கொள்ளப்பட்டு வரும் நிவாரண பணிகள் குறித்த விவரங்களை எடுத்துரைத்தனர்.

இந்த கூட்டங்களில் சபாநாயகர் அன்பழகன், அமைச்சர்கள் நமச்சிவாயம், ராஜவேலு, சிவ கொழுந்து, தலைமைச் செயலர் சரசவகான், அரசு செயலர் கிருஷ்ணமோகன் உள்ளிட்டோர் கலந்து கொண்டனர்.